Paralajmërime sigurie për sharrën

Përdorni vetëm disqe prerëse me diamant për pajisjen tuaj elektrike. Edhe nëse një aksesor mund të lidhet me pajisjen tuaj elektrike, kjo nuk garanton një funksionim të sigurt.

Mos përdorni disqe diamanti të segmentuara me kënd pjerrësie pozitiv. Përdorimi i këtyre disqeve prej diamanti mund të rritë rrezikun e lëndimeve fizike.

Mos përdorni disqe diamanti të segmentuara me hapësirë periferike më të madhe se 10 mm. Përdorimi i këtyre disqeve prej diamanti mund të rritë rrezikun e lëndimeve fizike.

Shpejtësia nominale e diskut prerës duhet të jetë të paktën e barabartë me shpejtësinë maksimale të shënuar në pajisje elektrike. Nëse aksesorët punojnë më shpejt se shpejtësia e tyre nominale mund të thyhen dhe të fluturojnë tutje.

Disqet duhet të përdoren vetëm për punët e rekomanduara. Për shembull: mos fërkoni me pjesën anësore të diskut. Disqet prerëse janë bërë për prerje anësore, ndaj forcat anësore që ushtrohen në këto disqe mund të bëjnë që ato të thyhen.

Përdorni gjithnjë flanxha disku të padëmtuara që kanë diametrin e duhur për diskun që keni zgjedhur. Flanxhat e duhura të disqeve e mbajnë mirë diskun, duke ulur rrezikun e lirimit ose të thyerjes së diskut.

Mos i përdorni disqet prerëse që kanë nevojë për lëngje ftohëse. Përdorimi i ujit ose i ftohësve të tjerë të lëngshëm mund të shkaktojë goditje elektrike.

Mos përdorni disqe me përforcim që janë konsumuar nga mjetet elektrike më të mëdha. Disqet që janë bërë për mjete elektrike më të mëdha nuk janë të përshtatshëm për shpejtësinë më të lartë të mjeteve më të vogla, ndaj mund të çahen.

Diametri i jashtëm dhe trashësia e diskut duhet të jetë brenda vlerës së kapacitetit të mjetit elektrik. Disqet me madhësi të papërshtatshme nuk mund të mbrohen ose të kontrollohen siç duhet.

Madhësia e qendrës së disqeve dhe flanxhave duhet të puthitet mirë me aksin e mjetit elektrik. Disqet dhe flanxhat me vrima që nuk përputhen me pjesët e montimit të mjetit elektrik bëjnë që mjeti të humbasë balancimin, të dridhet tepër dhe të shkaktojë humbje të kontrollit.

Përdorni të gjitha vidat e montimit kur montoni disqe diamanti drejtpërdrejt në flanxhën e brendshme, dhe sigurohuni që të shtrëngohen mirë. Nëse nuk montohen siç duhet, disku prej diamanti mund të humbasë balancimin dhe të bëjë që disku të shkëputet nga aksi i mjetit.

Mos përdorni disqe të dëmtuara. Para çdo përdorimi, kontrolloni disqet për të parë nëse kanë cifla dhe plasaritje. Nëse mjeti elektrik ose disku bie në tokë, kontrollojeni për të parë nëse ka dëmtime ose vendosni një disk të padëmtuar. Pasi të keni kontrolluar dhe instaluar diskun, ju dhe personat e tjerë duhet të qëndroni larg nga plani i rrotullimit të diskut dhe ta vini mjetin në punë në shpejtësi maksimale pa ngarkesë. Nëse vëreni dridhje të pazakonta, fikeni menjëherë mjetin elektrik dhe ndërroni diskun. Nëse nuk vëreni dridhje të pazakonta, lëreni mjetin të punojë për një minutë. Normalisht, gjatë kësaj prove disqet thyhen nëse janë dëmtuar.

Përdorni pajisje mbrojtëse personale. Në varësi të aplikimit, përdorni maskë, mbrojtëse sysh ose syze sigurie. Sipas nevojës, përdorni mjet mbrojtës për frymëmarrjen, si për shembull maskë pluhuri ose respirator, mjete mbrojtëse për veshët, doreza dhe përparëse pune që mund të ndalojë fragmentet e vogla gërryese ose fragmentet e materialit të punës.Syzet mbrojtëse duhet të jenë në gjendje të ndalojnë copëzat që krijohen nga punët e ndryshme. Mjeti mbrojtës i frymëmarrjes duhet të jetë në gjendje të filtrojë grimcat e krijuara nga puna. Ekspozimi për kohë të gjatë ndaj zhurmës me intensitet të lartë mund të shkaktojë humbje të dëgjimit.

Mbrojtësja e dhënë me mjetin duhet të fiksohet mirë në mjetin elektrik dhe të pozicionohet për siguri maksimale, në mënyrë që operatori të ekspozohet sa më pak ndaj diskut. Ju dhe personat e tjerë duhet të qëndroni larg nga plani i rrotullimit të diskut. Mbrojtësja ndihmon operatorin nga fragmentet e thyera të diskut dhe nga kontakti aksidental me diskun.

Mbajini personat rrotull në një distancë të sigurt nga vendi i punës. Kushdo që futet në zonën e punës duhet të vendosë pajisje personale mbrojtëse. Fragmentet e materialit të punës ose të një disku të thyer mund të fluturojnë dhe të shkaktojnë lëndime fizike edhe më larg vendit ku punohet.

Mos e vini mjetin me korrent në punë pranë materialeve të djegshme. Shkëndijat mund t'i ndezin këto materiale.

Kapeni mjetin me korrent vetëm nga sipërfaqet e izoluara të kapjes kur bëni ndonjë punë në të cilën aksesori prerës mund të kontaktojë telat e fshehur ose kordonin e vet. Në rast kontakti me një tel me korrent, pjesët metalike të ekspozuara të mjetit me korrent mund të marrin korrent dhe t'i shkaktojnë operatorit goditje elektrike.

Mos e vendosni kurrë pajisjen elektrike poshtë derisa disku prerës të ketë ndalur plotësisht. Disku rrotullues prerës mund të kapet në sipërfaqe dhe ta nxjerrë pajisjen elektrike jashtë kontrollit tuaj.

Mos e vini në punë mjetin me korrent ndërkohë që e mbani anash. Kontakti aksidental me diskun prerës që rrotullohet mund t'ju rrëmbejë rrobat, duke e tërhequr diskun prerës drejt trupit tuaj.

Pastrojini rregullisht hapësirat e ajrimit të mjetit me korrent. Ventilatori i motorit tërheq pluhur brenda trupit dhe grumbullimi i tepërt i pluhurit të metalit mund të shkaktojë goditje elektrike.

Goditja mbrapsht dhe paralajmërimet përkatëse

Goditja mbrapsht është një reagim i papritur ndaj kafshimit ose bllokimit të diskut. Kafshimi ose bllokimi shkakton ndalim të papritur të diskut, i cili në këmbim bën që mjeti elektrik të shkojë me forcë në mënyrë të pakontrolluar në drejtim të kundërt të rrotullimit të diskut te pika e bllokimit.

Për shembull, nëse një disk bllokohet ose kafshohet nga materiali i punës, buza e diskut që futet te pika e kafshimit mund të dalë në sipërfaqe të materialit duke bërë që disku të dalë ose të kërcejë me forcë. Disku ose mund të kërcejë drejt operatorit ose larg tij, në varësi të drejtimit të lëvizjes së diskut në pikën e kafshimit. Gjithashtu disqet mund të thyhen në situata të tilla.

Goditja mbrapsht është pasojë e keqpërdorimit të mjetit dhe/ose e procedurave ose kushteve të gabuara të punimit, e cila mund të shmanget duke marrë masat parandaluese të mëposhtme.

Kapeni fort mjetin me korrent me të dyja duart dhe poziciononi trupin dhe krahun në mënyrë të tillë që t'u rezistoni forcave të goditjes mbrapsht. Përdorni gjithnjë dorezë ndihmëse, nëse ka, që të keni kontroll maksimal ndaj goditjeve mbrapsht ose reagimit të forcës rrotulluese gjatë vënies në punë. Operatori mund të kontrollojë forcën e reagimit të rrotullimit ose të goditjes mbrapsht nëse merren masa parandaluese të përshtatshme.

Mos e vendosni asnjëherë dorën pranë diskut. Disku mund të kërcejë mbi dorën tuaj.

Mos e poziciononi trupin te vendi ku mjeti do të lëvizë nëse ndodh goditja mbrapsht. Goditja mbrapsht e shtyn mjetin në drejtim të kundërt të lëvizjes së diskut në pikën e bllokimit.

Bëni shumë kujdes kur punoni në cepa, anë të mprehta etj. Shmangni kërcimin dhe bllokimin e diskut.Cepat, anët e mprehta ose kërcimet kanë prirjen të bllokojnë diskun dhe të shkaktojnë humbje të kontrollit ose goditje mbrapsht.

Mos u përpiqni të bëni prerje me hark. Sforcimi i tepërt i diskut rrit ngarkesën dhe rrezikun e përthyerjes ose bllokimit të diskut te vendi i prerjes, si dhe rrezikun e goditjes mbrapsht ose thyerjes së diskut, dhe kjo mund të shkaktojë lëndime fizike të rënda.

Mos vendosni disk sharre, disk për gdhendjen e drurit ose fletë sharre me dhëmbë. Këto thika krijojnë goditje mbrapsht të shpeshta dhe humbje të kontrollit.

Mos e "bllokoni" diskun ose mos ushtroni tepër presion. Mos u përpiqni të bëni prerje tepër të thellë. Sforcimi i tepërt i diskut rrit ngarkesën dhe rrezikun e përthyerjes ose bllokimit të diskut te vendi i prerjes, si dhe rrezikun e goditjes mbrapsht ose thyerjes së diskut.

Kur disku bllokohet ose kur e ndaloni një punë prerjeje për çfarëdo arsyeje, fikeni mjetin me korrent dhe mbajeni mjetin me korrent palëvizur derisa disku të ndalojë plotësisht. Mos u përpiqni asnjëherë ta hiqni diskun nga vendi i prerjes ndërkohë që disku është në lëvizje, përndryshe mund të ndodhë goditje mbrapsht. Kontrolloni dhe merrni masa korrigjuese për të eliminuar shkakun e bllokimit të diskut.

Mos e rifilloni punën e prerjes në material. Lëreni diskun të arrijë shpejtësi të plotë dhe futeni përsëri me kujdes te vendi i prerjes. Disku mund të bllokohet, mund të dalë ose mund të godasë mbrapsht nëse mjeti me energji rindizet te materiali i punës.

Mbështetini panelet ose çdo material pune tepër të madh për të pakësuar rrezikun e kafshimit të diskut dhe goditjes mbrapsht. Materialet e mëdha të punës kanë prirjen të marrin hark për shkak të peshës së tyre. Mbështetëset duhet të vendosen plotësisht poshtë materialit të punës pranë vijës së prerjes dhe pranë buzës së materialit në të dyja anët e diskut.

Bëni shumë kujdes kur bëni një "prerje xhepi" në muret ekzistuese ose në vende të tjera të verbra. Disku që del mund të presë tubat e gazit ose të ujit, telat elektrikë ose objektet të cilët mund të shkaktojnë goditje mbrapsht.

Informacione të mëtejshme sigurie

Përdorni mjete mbrojtëse për veshët, syze mbrojtëse, maskë pluhuri dhe doreza. Përdorni gjysmë-maskë për filtrimin e grimave që ka klasin mbrojtës të paktën FFP 2.

Siguroni pjesën e punës. Një pjesë pune e mbajtur në një kapëse ose vizë mbahet më mirë sesa me dorën tuaj.

Përdorni pajisje të përshtatshme kërkimi, për të gjetur linjat e fshehura të shërbimeve ose konsultohuni me kompaninë lokale të shërbimeve. Kontakti me telat elektrikë mund të shkaktojë zjarr dhe goditje elektrike. Dëmtimi i një linje gazi mund të shkaktojë një shpërthim. Depërtimi në një tub uji shkakton dëme materiale.

Pas përdorimit, mos e prekni diskun derisa të ftohet. Disku nxehet shumë gjatë përdorimit.

Kur punoni, mbajeni fort mjetin elektrik me të dyja duart dhe sigurohuni që të keni qëndrim të sigurt. Vegla elektrik drejtohet në mënyrë më të sigurt me dy duar.

Nëse bateria është dëmtuar ose përdoret në mënyrë jo të duhur, mund të dalin avuj. Bateria mund të digjet ose të shpërthejë. Dilni në ajër të freskët dhe flisni me një mjek në rast se keni shqetësime. Avujt mund të irritojnë sistemin e frymëmarrjes.

Mos e modifikoni ose hapni baterinë. Ekziston rreziku i një qarku të shkurtër.

Bateria mund të dëmtohet nga objekte të mprehta të tilla si gozhdë ose kaçavida ose nga forca të jashtme. Mund të ndodhë një qark i shkurtër i brendshëm dhe bateria mund të digjet, të nxjerë tym, të shpërthejë ose të mbinxehet.

Përdorni baterinë vetëm në produktet e prodhuesit. Vetëm kështu mund të mbroni baterinë nga mbingarkesat e rrezikshme.

Mbroni baterinë nga nxehtësia, p.sh. nga rrezet e vazhdueshme të diellit, zjarri, papastërtia, uji dhe lagështia. Ekziston rreziku i shpërthimit dhe i qarkut të shkurtër.