Безбедносни предупредувања за машината за сечење

Користете само дијамантски дискови за сечење за вашиот електричен алат. Само затоа што дополнителната опрема може да се вгради на вашиот електричен алат, не значи дека може да се осигура безбедно работење.

Не користете сегментирани дијамантски дискови за сечење со позитивен агол на наклон. Употребата на вакви дијамантски дискови за сечење може да го зголеми ризикот од телесни повреди.

Не користете сегментирани дијамантски дискови за сечење со периферен отвор поголем од 10 mm. Употребата на вакви дијамантски дискови за сечење може да го зголеми ризикот од телесни повреди.

Утврдената брзина на дискот за сечење мора да биде најмалку еднаква на максималната брзина означена на електричниот алат. Дополнителната опрема која работи побрзо од утврдената брзина може да експлодира и да се распрска насекаде.

Дисковите мора да се користат само за соодветни намени. пример: не користете диск за сечење за странично брусење. Абразивните дискови за сечење се наменети за периферно брусење, страничните сили што се применуваат на овие дискови може да предизвикаат нивно распарчување.

Секогаш користете неоштетени прирабници со правилна големина и форма за вашиот диск. Соодветни прирабници за дискови го потпираат дискот, со што се намалува можноста од олабавување или кршење на дискот.

Не користете дискови за сечење за кои се потребни течни разладувачи. Користењето вода или други течни разладувачи може да доведе до смрт или струен удар.

Не употребувајте користени, зајакнати дискови од поголеми електрични алати. Дисковите наменети за поголеми електрични алати не се соодветни за големи брзини на мали алати, и може да се распрснат.

Надворешниот дијаметар и дебелина на вашиот диск за сечење мора да биде во рамките на класата на вашиот електричен алат. Дискови за сечење со несоодветна величина не може соодветно да се заштити и контролира.

Големината на осовината на дисковите и прирабниците мора правилно да се вклопува во вретеното на електричниот алат. Дисковите и прирабниците чијашто дупка за осовина не се вклопува во намонтираниот тврд дел на електричниот алат, ќе изгубат рамнотежа, прекумерно ќе вибрираат и може да предизвикаат губење на контрола.

Користете ги сите завртки за монтирање кога монтирате дијамантски дискови директно на внатрешната прирабница и осигурајте се дека се правилно затегнати. Ако не се правилно монтирани, дијамантскиот диск може да ја наруши рамнотежата и да предизвика одвојување на дискот од вретеното на алатот.

Не користете оштетени дискови за сечење. Пред секоја употреба, проверете дали дисковите за сечење имаат процепи или пукнатини. Доколку електричниот алат или дискот за сечење паднат, проверете дали се оштетени или инсталирајте неоштетен диск за сечење. По проверката или инсталирањето на дискот за сечење, вие и луѓето во близина поместете се подалеку од работната површина на ротирачкиот диск за сечење и вклучете го електричниот алат на максимална брзина без оптоварување. Доколку се забележат невообичаени вибрации, веднаш исклучете го електричниот алат и заменете го дискот за сечење. Доколку не се детектираат невообичаени вибрации, продолжете да го користите електричниот алат уште една минута. Оштетените дискови вообичаено се расипуваат во текот на овој тест период.

Носете лична заштитна опрема. Во зависност од намената, користете штитник за лице, безбедносни или заштитни очила. Доколку е соодветно, носете респираторна заштита, како што се маска против прашина или респиратор, заштита за слух, ракавици и престилка за работилница за да се спречат мали абразивни фрагменти или фрагменти од обработениот материјал.Заштитата за очи мора да може да ги запре летачките остатоци што се создаваат при различни задачи. Респираторната заштита мора да може да ги филтрира честичките создадени од вашето работење. Долготрајна изложеност на интензивна бучава може да доведе до губење на слухот.

Заштитата дадена заедно со алатот мора да биде безбедно прицврстена на електричниот алат и поставена да обезбеди максимална безбедност, така што минимален дел од дискот да биде завртен кон операторот. Вие и луѓето во близина поместете се подалеку од работната површина на ротирачкиот диск. Заштитата го заштитува операторот од скршените парчиња на дискот и случаен контакт со истиот.

Луѓето во ваша близина треба да бидат оддалечени од работниот простор. Секој што влегува во работниот простор мора да носи лична заштитна опрема. Парчињата од делот што го обработувате или од расипаниот диск може да се распрскаат и да предизвикаат повреда надвор од непосредната работна површина.

Не работете со електричниот алат во близина на запаливи материјали. Искрите можат да ги запалат овие материјали.

Држете го електричниот алат за изолираната површина додека сечете за да не дојде во контакт со скриена жица. Ако опремата за сечење дојде во допир со жица под напон, може да ги изложи металните делови на електричниот алат под напон и операторот може да добие струен удар.

Не оставајте го електричниот алат долу додека дискот за сечење не запре целосно. Ротирачкиот диск за сечење може да ја зафати површината и да го повлече електричниот алат надвор од ваша контрола.

Не го вклучувајте електричниот алат додека го држите свртен кон вас. Случаен контакт со ротирачкиот диск за сечење може да ја закачи вашата облека, со повлекување на дискот за сечење кон вашето тело.

Редовно чистете ги воздушните вентили на електричниот алат. Вентилаторот на моторот повлекува прав во куќиштето, а претераната акумулација на метален прав може да предизвика опасност од електричен удар.

Одбивање и слични предупредувања

Одбивање е ненадејна реакција на приклештен или закачен ротирачки диск за сечење. Приклештувањето или закачувањето предизвикува брзо маневрирање на ротациониот диск за сечење, којшто од друга страна, предизвикува присилно насочување на неконтролираниот електричен алат во спротивен правец од ротирањето на дискот за сечење до точка на навалување.

На пример, ако диск за сечење е закачен или приклештен од делот што го обработувате, острицата на дискот за сечење која влегува во приклештената точка може да се зарие во површината на материјалот и дискот за сечење да се помести или ослободи. Дискот за сечење може да скокне или да се одбие од операторот, во зависност од неговата насока на движење на точката на приклештување. Дисковите за сечење, исто така, може да се искршат под овие услови.

Одбивањето е резултат на погрешна употреба и/или несоодветни оперативни постапки или услови и може да се избегне со преземање на соодветните превентивни мерки приложени подолу.

Цврсто држете го електричниот алат и поставете го телото и раката така што ќе овозможите отпор на силите на одбивање. Секогаш користете помошна рачка, доколку има, за максимална контрола на одбивањето или силата на вртење при вклучување. Операторот може да ги контролира реакциите на силата на вртење или силите на одбивање, доколку се преземат соодветни превентивни мерки.

Не ставајте ја раката во близина на ротирачкиот диск за сечење. Дискот за сечење може да се одбие преку вашата рака.

Не го позиционирајте вашето тело во областа каде електричниот алат се движи, доколку настане одбивање. Одбивањето ќе го придвижи алатот во спротивен правец од движењето на дискот за сечење на точката на закачување.

Обрнете посебно внимание при изработка на агли, остри ивици и др. Избегнувајте отскокнување и заглавување на дискот за сечење.Аглите, острите ивици или отскокнувањето може да доведат до закачување на дискот за сечење и да предизвикаат губење на контрола или одбивање.

Не обидувајте се да длабите. Преголемиот притисок на дискот за сечење го зголемува оптоварувањето и осетливоста на виткање и искривување на дискот за сечење во засекот и можноста за одбивање или кршење на дискот за сечење, што може да доведе до сериозна повреда.

Не поврзувајте пила со ланец, сечило за резбање на дрво или пила со запци. Овие сечила предизвикуваат брзи одбивања и губење на контрола.

Не „притискајте“ го дискот за сечење и не применувајте прекумерен притисок. Не настојувајте да направите прекумерно длабок засек. Преоптоварувањето на дискот за сечење го зголемува оптоварувањето и осетливоста на виткање и навалување на дискот за сечење во засекот и можноста за одбивање или кршење на дискот за сечење.

Кога дискот за сечење се навалува или кога го прекинува сечењето заради некоја причина, исклучете го алатот и држете го неподвижен додека дискот за сечење целосно не запре. Никогаш не настојувајте да го извадите дискот за сечење од засекот додека се движи или може да дојде до одбивање. Проверете и преземете соодветно дејство за да ја елиминирате причината за навалување на дискот за сечење.

Не започнувајте повторно со сечење во делот што го обработувате. Почекајте додека дискот за сечење да достигне целосна брзина и внимателно влезете повторно во засекот. Дискот за сечење може да се навали, придвижи или одбие ако го рестартирате електричниот алат во делот што го обработувате.

Потпрете ги плочите или преголемиот дел што го обработувате за да го намалите ризикот од приклештување и одбивање на дискот за сечење. Големите делови што ги обработувате се искривуваат под својата тежина. Потпирачите мора да се стават под делот што го обработувате, покрај линијата на засекот и покрај ивицата на делот што го обработувате на двете страни на дискот за сечење.

Користете дополнителни мерки за претпазливост кога правите „џебен засек” во постоечки ѕидови или други слепи површини. Испакнат диск за сечење може да пресече цевки за гас или вода, електрични жици или предмети коишто може да предизвикаат одбивање.

Дополнителни безбедносни напомени

Носете заштита за слухот, заштитни очила, маска за заштита од прав и ракавици. Како маска за заштита од прав носете маска од класата FFP 2 со филтрирање на најмалку една честичка.

Зацврстете го парчето што се обработува. Доколку го зацврстите со уред за затегнување или менгеме, тогаш парчето што се обработува се држи поцврсто отколку со Вашата рака.

Користете соодветни уреди за пребарување, за да ги пронајдете скриените електрични кабли или консултирајте се со локалното претпријатие за снабдување со електрична енергија. Контактот со електрични кабли може да доведе до пожар и струен удар. Оштетувањето на гасоводот може да доведе до експлозија. Навлегувањето во водоводни цевки предизвикува оштетување.

Не ја фаќајте брусната плоча за сечење по работата, додека не се олади. Брусната плоча за сечење за време на работата се вжештува.

При работата, држете го електричниот алат цврсто со двете дланки и застанете во сигурна положба. Со електричниот алат посигурно ќе управувате ако го држите со двете дланки.

При оштетување и непрописна употреба на батеријата може да излезе пареа. Батеријата може да се запали или да експлодира. Внесете свеж воздух и доколку има повредени однесете ги на лекар. Пареата може да ги надразни дишните патишта.

Не модифицирајте и отворајте ја батеријата. Постои опасност од краток спој.

Батеријата може да се оштети од острите предмети како на пр. клинци или одвртувач или со надворешно влијание. Може да дојде до внатрешен краток спој и батеријата може да се запали, да пушти чад, да експлодира или да се прегрее.

Користете ја батеријата само во производи на производителот. Само на тој начин батеријата ќе се заштити од опасно преоптоварување.

Заштитете ги батериите од топлина, на пр. од долготрајно изложување на сончеви зраци, оган, нечистотии, вода и влага. Инаку, постои опасност од експлозија и краток спој.