Всисување на прав/струготини

Избегнувајте да работите без мерки за намалување на прашината. Соодветен уред за всисување прав ја намалува количината на прав што е опасна по здравјето. Погрижете се за добра проветреност на работното место. Секогаш користете соодветна респираторна заштита. Затоа, доколку е возможно, користете соодветен всисувач за прав за материјалот што се обработува. Внимавајте на важечките прописи на Вашата земја за материјалот кој го обработувате.

Избегнувајте собирање прав на работното место. Правта лесно може да се запали.

Барања за всисувачот
Препорачан номинален дијаметар на цревото	mm	≥ 28
Потребен потпритисок^A)	mbar hPa	≥ 140 ≥ 140
Потребна количина на проток^A)	l/s m³/h	≥ 23 ≥ 82,8
Препорачана ефикасност на филтерот		Класа на прашина M^B)

A): Вредност на моќноста на приклучокот за всисување на електричниот алат

B): Според IEC/EN 60335-2-69

Следете го упатството на всисувачот. Престанете да работите кога ќе се намали моќноста на всисување и отстранете ја причината.

Надворешно всисување (види слика B)

Млазниците за всисување (2) слободно се вртат.

Поставете црево за всисување (30) (опрема) на млазниците за всисување (2). Поврзете го цревото за всисување (30) со всисувач за прав (опрема). Прегледот за приклучување на различните видови на всисувачи за прашина ќе го најдете на крајот од ова упатство.

Препорачуваме да користите антистатички црева и спроводливи всисувачи. Може да користите конвенционални црева и всисувачи, но не се препорачува поради можно статичко полнење.
Користете правосмукалки со класа на прашина M или H. Препорачуваме да носите маска за прашина. Минералната прашина е опасна по здравјето и може да предизвика рак.

Всисувачот за прашина мора да е соодветен на материјалот на парчето што се обработува.

При всисување на честички прав кои се особено опасни по здравје, канцерогени или суви, користете специјален всисувач.

Напомени за примена на глодалките за жлебови во ѕид

Внимавајте на следните информации за да ги намалите емисиите на прашина што се појавуваат при работа.

Користете само комбинации на глодалки за жлебови во ѕид и вшмукувачи од класата на прав M или H коишто се препорачани од Bosch. Други комбинации може да доведат до полошо собирање на прашината.

Почитувајте ги упатствата за работа на всисувачот за одржување и чистење на правосмукалката вклучувајќи ги и филтрите. Испразнете ги садовите за собирање прав веднаш кога ќе се наполнат. Редовно чистете ги филтрите на всисувачот и секогаш целосно вметнувајте ги филтрите во всисувачот.

Користете црева за всисување предвидени од Bosch. Не ракувајте со цревото за всисување. Ако делчиња од камен влезат во цревото за всисување, прекинете ја работата и веднаш исчистете го. Избегнувајте превиткување на цревото за всисување.

Користете ја глодалката за жлебови во ѕид исклучиво за предвидената намена.

Користете само беспрекорни и остри алати за вметнување. Забележително забавениот напредок во работата е знак за истрошени алати за вметнување.

Внимавајте на општите барања за работни места на градилиштата.

Обезбедете добра вентилација.

Обезбедете чиста работна површина. При подолги жлебови, вшмукувачот мора да може слободно да се подесува одн. да се подеси навреме.

Носете заштита за слухот, заштитни очила, маска за заштита од прав и по потреба ракавици. Како маска за заштита од прав носете маска од класата FFP 2 со филтрирање на најмалку една честичка.

Користете соодветен всисувач за чистење на работното место. Не мешајте ја наталожената прашина со метење.