Монтирање на дијамантската брусна плоча за сечење

За промена на алатот, горниот заштитен капак (17) мора да биде целосно подигнат. Ставете го електричниот апарат на цврста подлога.
Отворете го електричниот алат со копчето за отклучување (20). Отворете го горниот заштитен капак (17) преку токата (1).

  • Пред секое работење на електричниот алат (на пр. одржување, промена на алатот итн.) извадете ја батеријата од електричниот алат. При невнимателно притискање на прекинувачот за вклучување/исклучување постои опасност од повреди.

Притиснете на копчето за блокирање на вретеното (10), за да го зацврстите вретеното за брусење.

  • Притиснете го копчето за блокирање на вретеното само кога вретеното за брусење е во состојба на мирување. Инаку електричниот алат може да се оштети.
  • При користење на затезната навртка (27): олабавете ја затезната навртка со клуч со два отвори (28).
  • При користење на брзозатезната навртка со држач (25): отворете го нагоре држачот на брзозатезната навртка (25) и свртете ја силно во правец спротивно на стрелките на часовникот. Олабавете ја фиксираната брзозатезна навртка со клуч со два отвори.
  • При користење на брзозатезната навртка (26): вртете го нарецканиот прстен во правец спротивен на стрелките на часовникот. Олабавете ја фиксираната брзозатезна навртка со клуч со два отвори.

Извадете ги дистанцерите (24) и приклучната прирабница (22). Исчистете го вретеното за брусење (21) и сите делови за монтирање.

Ширината на жлебот се одредува според бројот на дистанцерите (24) помеѓу двете дијамантски брусни плочи за сечење (23) и дебелината на дијамантските брусни плочи за сечење.

Ширината на жлебот се пресметува на следниов начин:
Ширина на жлебот = дебелина на дистанцерите + дебелина на дијамантските брусни плочи за сечење.

Можната ширина на жлебот е прикажана во делот „Технички податоци“ види Технички податоци.

Може да го користите електричниот апарат со една или две дијамантски брусни плочи за сечење.

Поставете ја приклучната прирабница (22) на вретеното за брусење (21). Приклучната прирабница мора точно да лежи на вретеното за брусење со својот прифат за вртење.

Поставете ја дијамантската брусна плоча за сечење (23) и дистанцерите (24) на приклучната прирабница (22).

  • Независно од саканата ширина на жлебот мора секогаш да ги монтирате сите испорачани дистанцери . Дијамантската брусна плоча за сечење (23) може да се олабави уште за време на работата и да предизвика повреди.

Број на потребните дистанцери:
4 парчиња, секое по 6 mm дебелина
3 парчиња, секое по 4 mm дебелина

Помеѓу 2-те дијамантски брусни плочи за сечење (23) мора да се монтира најмалку еден дистанцер (24).

Напомена: Дозволено е да се користат само дијамантски брусни плочи за сечење. Употребата на врзани зајакнати брусни плочи за сечење не е дозволена!

При употребата на дијамантските брусни плочи за сечење внимавајте на тоа, стрелката за правецот на вртење на дијамантската брусна плоча за сечење да се поклопува со правецот на вртење на електричниот алат (погледнете ја стрелката за правец на вртење (29)на горниот заштитен капак).

Притиснете на копчето за блокирање на вретеното (10), за да го зацврстите вретеното за брусење.

  • При користење на затезната навртка (27): завртете ја затезната навртка и затегнете ја со клуч со два отвори (28).
  • При користење на брзозатезната навртка со држач (25): отворете го нагоре држачот на брзозатезната навртка и свртете ја силно во правецот на стрелките на часовникот. Потоа преклопете го надолу држачот за фиксирање на брзозатезната навртка. Не е доволно затегнување на работ на дискот.
  • При користење на брзозатезната навртка (26): завртете ја брзозатезната навртка и свртете ја силно брусната плоча за сечење во правецот на стрелките на часовникот.

Заклучете го горниот заштитен капак (17) со токата (1). Потоа занишајте го горниот заштитен капак додека механизмот за отпуштање не се вклопи (20).

Кога работите со 2 дијамантски брусни плочи за сечење (23) секогаш заменувајте ги во парови.

Редоследот на монтажата може да се види на графичката страница.

Постојат 3 ознаки што ги означуваат позициите на дијамантските брусни плочи за сечење (13).

  • Внатрешна ознака: ја покажува позицијата на внатрешната дијамантска брусна плоча (23), ако помеѓу приклучната прирабница (22) и оваа дијамантска брусна плоча не е вметнат дистанцер (24).
  • Централна ознака: го покажува геометрискиот центар помеѓу внатрешните и надворешните дијамантски брусни плочи за сечење.
  • Надворешна ознака: ја покажува позицијата на надворешната дијамантска брусна плоча (23), ако оваа дијамантска брусна плоча за сечење е поставена однадвор, т. е. потоа не се користат повеќе дистанцери (24).