Қызмет көрсету және тазалау
- Компрессорда кез келген жұмыс өткізбес бұрын (мысалы, техникалық қызмет көрсету, тазалау және т.б.) аккумуляторды компрессордан шығарып алыңыз. Ажыратқышты кездейсоқ басқан жағдайда, жарақат алу қаупі туындайды.
- Дұрыс және сенімді жұмыс істеу үшін компрессор мен желдету саңылауларын таза ұстаңыз.
Компрессорды құрғақ әрі таза жерде сақтаңыз және рұқсатсыз пайдаланудан қорғаңыз.
Өнімдерді олардың сақтығын қамтамасыз ететін, өнімдерге атмосфералық жауын-шашынның тиюіне және асқын температура көздерінің (температураның шұғыл өзгерісінің), соның ішінде күн сәулелерінің әсер етуіне жол бермейтін дүкендерде, бөлімдерде (секцияларда), павильондар мен киоскілерде сатуға болады.
Сатушы (өндіруші) сатып алушыға өнімдер туралы қажетті және шынайы ақпаратты беріп, өнімдерді тиісінше таңдау мүмкіндігін қамтамасыз етуге міндетті. Өнімдер туралы ақпарат міндетті түрде тізімі Ресей Федерациясының заңнамасымен белгіленген мәліметтерді қамтуы тиіс.
Егер тұтынушы сатып алатын өнімдер әлдеқашан пайдаланылған немесе өнімдерде ақаулық (ақаулықтар) жойылған болса, тұтынушыға бұл туралы ақпарат берілуі тиіс.
Өнімдерді сату процесінің аясында төмендегі қауіпсіздік талаптары орындалуы тиіс:
- Сатушы сатып алушыға ұйымының фирмалық атауы, орналасқан жері (мекенжайы) және жұмыс режимі туралы мәліметтер беруге міндетті;
- Сауда бөлмелеріндегі өнімдердің сынамалары сатып алушыға бұйымдардағы жазбалармен танысуға мүмкіндік беруі және визуалды тексерістен басқа бұйымдардың іске қосылуына әкелетін, сатып алушылар өз бетінше орындайтын ешқандай әрекеттерге жол бермеуі тиіс;
- Сатушы осы бұйымдардың белгіленген талаптарға сәйкестігінің растамасы, сертификаттардың немесе сәйкестік жөніндегі мәлімдемелердің бар болуы туралы ақпаратты сатып алушыға беруге міндетті;
- Идентификациялық сипаттары жоқ (жоғалған), жарамдылық мерзімі өтіп кеткен, бұзылу белгілері бар және пайдалану бойынша нұсқаулығы (кітапшасы), міндетті сәйкестік сертификаты немесе сәйкестік белгісі жоқ өнімдерді сатуға тыйым салынады.
Ауа сүзгісін тазалау (A суретін қараңыз)
Ластанған немесе зақымдалған ауа сүзгісі компрессордың қуатын төмендетуі мүмкін. Сондықтан ауа сүзгісін жүйелі түрде тексеріп және тазалап тұрыңыз:
- Ауа сүзгісін (11) сағат тілінің бағытына қарсы компрессор корпусынан бұрап алыңыз.
- Ауа сүзгісінің қақпағын (12) сағат тілінің бағытына қарсы ауа сүзгісінен бұрап алыңыз.
- Сүзгіш элементті (15) ауа сүзгісінен шығарып алыңыз.
- Сүзгіш элементті, мысалы, жұмсақ шүберекпен мұқият тазалаңыз.
Сүзгіш элемент зақымдалған болса, оны алмастырыңыз. - Сүзгіш элементті (15) ауа сүзгісіне (11) орнатыңыз.
- Қақпақты (12) сағат тілінің бағытымен ауа сүзгісіне бұрап орнатыңыз.
- Ауа сүзгісін (11) компрессор корпусына орнатып, сағат тілінің бағытымен бұрап бекітіңіз.
Сақтандырғыш клапанды тексеру
Компрессордағы сақтандырғыш клапанды (5) жүйелі түрде тексеріп тұрыңыз.
Ол үшін сақтандырғыш клапанды (5), сығылған ауа шыға бастағанша, сағат тілінің бағытына қарсы бұраңыз. Содан кейін сақтандырғыш клапанды сағат тілінің бағытымен қайтадан бұрап бекітіңіз.
Сақтандырғыш клапанның таза және зақымдалмаған күйде болғанына көз жеткізіңіз.
Тексеру кезінде сығылған ауа шығып кетсе немесе сақтандырғыш клапанда (5) зақымдар көрінсе, компрессорды пайдаланбаңыз. Сақтандырғыш клапанды Bosch қызмет көрсету орталығына ауыстыруға тапсырыс беріңіз.