Подесување на вертикалниот и хоризонталниот агол на закосување

За да обезбедите прецизни резови мора да ги проверите основните поставки по интензивно користење на електричниот алат и евентуално да ги подесите.

Поставување на вертикален агол на закосување (сечило за пила) (види слика B)

Вертикалниот агол на закосување може да се постави во граници од –2° до 47°.
За брзо и прецизно подесување на вертикален стандарден агол 0° и 45° предвидени се фабрички поставените граничници ((17), (22)).

• Олабавете го лостот за блокада (19) во правец спротивен на стрелките на часовникот.

Напомена: Доколку целосно го олабавите лостот за блокада, сечилото за пила ќе се навали во положба од околу 30° под влијание на гравитацијата.

Вертикални агли на закосување меѓу 0° и 45°:

• Повлечете го или притиснете го рачното тркало (18) по должина на кулисата, додека агломерот (56) не го покаже саканиот агол на закосување.
• Држете го рачното тркало во оваа позиција и повторно затегнете го лостот за блокада (19).

Вертикални агли на закосување меѓу –2° и 0°:

• Навалете го граничникот (17) кон напред.
• Притиснете го рачното тркало (18) по должина на кулисата, додека агломерот (56) не го покаже саканиот агол на закосување.
• Држете го рачното тркало во оваа позиција и повторно затегнете го лостот за блокада (19).

Вертикални агли на закосување меѓу 45° и 47°:

• Навалете го граничникот (22) кон напред.
• Повлечете го рачното тркало (18) по должина на кулисата, додека агломерот (56) не го покаже саканиот агол на закосување.
• Држете го рачното тркало во оваа позиција и повторно затегнете го лостот за блокада (19).

Граничниците ((17), (22)) автоматски се вртат назад во стандардната положба штом повторно ќе се постави вертикален агол на закосување меѓу 0° и 45° за сечилото на пилата.

Подесување на хоризонталниот агол на закосување (аголен граничник) (види слика C)

Хоризонталниот агол на закосување може да се поставува во еден опсег од 30° (на левата страна) до 30° (на десната страна).

• Отпуштете го копчето за фиксирање (57), доколку е затегнато.
• Свртете го аголниот граничник додека агломерот (58) не го покаже саканиот агол на закосување.
• Повторно затегнете го копчето за фиксирање (57).