Пайдалануға ендіру
Нұсқау: Электр құралыңызға арналмаған аккумуляторды пайдалану қате жұмыс істеуіне немесе электр құралының зақымдануына алып келуі мүмкін.
Айналу бағытын ауыстырып-қосқыштың (5) кенет іске қосылуына жол бермеу үшін, оны ортаға орнатыңыз. Зарядталған аккумуляторды (7) тұтқаға шерту дыбысымен тірелгенше және тұтқамен тегіс болғанша енгізіңіз.
Айналу бағытының ауыстырып-қосқышы (5) көмегімен айналу бағытын өлшеуге болады. Бірақ қосқышты/өшіргішті (12) басқанда бұл мүмкін емес.
Оңға айналу: электр құралының сол жағындағы айналу бағытын ауыстырып-қосқышты (5) электр құралының алдыңғы жағына қарай жылжытыңыз. Электр құралының оң жағындағы айналу бағытын ауыстырып-қосқыш (5) автоматты түрде артқа жылжиды.
Солға айналу: электр құралының сол жағындағы айналу бағытын ауыстырып-қосқышты (5) артқа жылжытыңыз (яғни электр құралының алдыңғы жағынан ары). Электр құралының оң жағындағы айналу бағытын ауыстырып-қосқыш (5) автоматты түрде алға жылжиды.
Электр құралды қосу үшін қосқышты/өшіргішті (12) басып тұрыңыз.
Жарық диоды ажыратқыш (12) жартылай немесе толық басылғанда жанып, жеткілікті жарық жағдайында бұрап кіргізу орнын жарықтандырады.
Басылған ажыратқышты (12) бекіту үшін бекіту түймесін (6) басыңыз.
Электр құралын өшіру үшін, ажыратқышты (12) жіберіңіз немесе бекіту түймесімен (6) құлыптанған болса, ажыратқышты (12) қысқа уақыт басып жіберіңіз.
Бұрандаларды бұрап кіргізу үшін бұранданы бұрауыш битке (1) орнатыңыз. Бұранда әмбебап бит ұстағышының (14) магнит күшімен берік ұсталады. Электр құралының сол жағындағы айналу бағытын ауыстырып-қосқышты (5) электр құралының алдыңғы жағына жылжытыңыз. Электр құралын қосып, бұранда ұшын дайындамаға күшпен басыңыз. Бұранда реттелген бұрап кіргізу тереңдігіне жеткенше дайындамаға бұрап кіргізіледі. Суырмалы тереңдік шектегіші (4) дайындамаға тиіп, жетек өшіп қалады, әмбебап бит ұстағышы (14) әрі қарай айналмайды. Бұрап кіргізу тереңдігін тексеріп, қажет болса, оны суырмалы тереңдік шектегішімен (4) реттеңіз.
Реттегіш төлкемен (3) бұранда бастиегінің дайындамаға бұрап кіргізу тереңдігін алдын ала таңдауға болады.
Реттегіш төлкені (3) қалаулы бұрап кіргізу тереңдігінің позициясына бұраңыз. Шкаладағы сан (реттегіш төлкенің (3) жиегінде көрінеді) қалаулы бұрап кіргізу тереңдігі үшін бастапқы нүкте ретінде пайдалануға болады.
Реттегіш төлкені (3) сағат тілінің бағытымен айналдыру бұрап кіргізу тереңдігін арттырады, ал сағат тілінің бағытына қарсы айналдыру бұрап кіргізу тереңдігін азайтады. Реттегіш төлкені (3) MAX позициясынан жоғары бұрау оны тірек төлкеден (2) толықтай алып тастайды.
Қажетті тереңдікке сынақ бұрау әрекеті арқылы қол жеткізуге болады.
PowerSAVE режимін іске қосу үшін PowerSAVE қосу/өшіру түймесін (9) қысқаша басыңыз. PowerSAVE жарық диодты индикаторы (11) жанады. Содан кейін ажыратқышты (12) қысқаша басып, оны бекіту түймесін (6) басу арқылы құлыптаңыз. Қозғалтқыш, ажыратқыш (12) басылғанда да, ажыратылған/босатылған күйде қалады. Енді қозғалтқышты іске қосу үшін электр құралын сәл дайындамаға кіргізіңіз.
Электр құралы 30 минут ішінде пайдаланылмаған кезде, PowerSAVE жарық диодты индикаторы (11) автоматты түрде сөнеді. PowerSAVE режимін қайта іске қосу үшін ажыратқышты (12) қысқаша басу арқылы құлыпты ашыңыз. Содан кейін ажыратқышты (12) қайта басып, оны бекіту түймесін (6) басу арқылы құлыптаңыз. PowerSAVE жарық диодты индикаторы (11) қайтадан жанады.
Бұрандаларды босату үшін реттегіш гильзадағы (3) және электр құралының редуктор корпусындағы көрсеткілерді бір-бірімен туралаңыз. Реттегіш гильзаны (3), ол бос қуыссыз редуктор корпусына орнатылғанша және шерту дыбысымен тірелгенше, артқа тартыңыз. Бұрауыш бит (1) енді анық көрінеді. Электр құралы бұрандаларды босатуға немесе бұрап шығаруға дайын.
Электр құралының сол жағындағы айналу бағытын ауыстырып-қосқышты (5) артқа жылжытыңыз (яғни электр құралының алдыңғы жағынан ары). Электр құралының оң жағындағы айналу бағытын ауыстырып-қосқыш (5) автоматты түрде алға жылжиды. Электр құралын қосыңыз.
Нұсқау: бұрандаларды босату әрекетін суырмалы тереңдік шектегішін (4) толықтай алып тастау арқылы да орындауға болады.
Суырмалы тереңдік шектегішін (4), реттегіш гильза (3) MAX позициясында немесе одан жоғары болғанда, кері тарту мүмкін емес.
Мақсатына сәйкес пайдалансаңыз, электр құралына артық жүктеме түспейді. Жүктеме шамадан артық болғанда немесе аккумулятордың рұқсат етілген температура диапазонынан асырғанда айналу жиілігі азаяды. Электр құралы аккумулятор рұқсат етілген температураға жеткеннен кейін толық айналу жиілігімен жұмыс істейді.