ექსპლუატაციაში ჩაშვება
- არ დატოვოთ ჩართული საზომი ინსტრუმენტი ყურადღების გარეშე და გამორთეთ ის გამოყენების შემდეგ.
- დაიცავით საზომი ხელსაწყო ტენიანობისა და მზის პირდაპირი სხივებისგან.
- დაიცავით საზომი ხელსაწყო ექსტრემალური ტემპერატურებისა და ტემპერატურის ვარდნის ზემოქმედებისგან. მაგალითად, არ დატოვოთ დიდი ხნით ავტომობილში. ტემპერატურის მნიშვნელოვანი რყევის შემთხვევაში, გამოყენების დაწყებამდე, საზომ ხელსაწყოს მიეცით ტემპერატურის სტაბილიზაციის შესაძლებლობა. ექსტრემალურმა ტემპერატურებმა და ტემპერატურის ვარდნამ შეიძლება უარყოფითად იმოქმედოს საზომი ხელსაწყოს სიზუსტეზე.
- მოერიდეთ საზომი ხელსაწყოს ვარდნას და ძლიერ დარტყმებს.
- ციფრული მულტიმეტრის ჩასართავად მოაბრუნეთ მბრუნავი გადამრთველი (2) გაზომვის საჭირო ფუნქციაზე.
- ციფრული მულტიმეტრის გამოსართავად მოაბრუნეთ მბრუნავი გადამრთველი პოზიციაზე
.
თუ დაახლოებით 20 წუთში ციფრულ მულტიმეტრში არ შესრულდება არავითარი გაზომვა, არ დააჭერთ არც ერთ ღილაკს და არ მოაბრუნებთ მბრუნავ გადამრთველს, მაშინ ციფრული მულტიმეტრი ავტომატურად გამოირთობა ბატარეების ეკონომიის მიზნით. ავტომატური გამორთვის ფუნქციის დეაქტივაციისთვის, გეჭიროთ ღილაკი Hold ციფრული მულტიმეტრის ჩართვისას (მაგ.: მბრუნავი გადამრთველის ნებისმიერ პოზიციაზე მობრუნებისას). მაშინ დისპლეიზე აისახება d.APO. Min Max Avg რეჟიმში მიძინების რეჟიმი გამორთულია.
შემდეგ შეგიძლიათ ისევ ჩართოთ ციფრული მულტიმეტრი, მბრუნავი გადამრთველის მობრუნებით (2) ან ღილაკებიდან ერთზე დაჭერით.
ღილაკი Sel
- მოკლედ დააჭირეთ ღილაკს Sel, რათა გადაერთოთ გაზომვის ორ ფუნქციას შორის, რომელთაც აქვთ ორი ერთნაირი პოზიცია მბრუნავ გადამრთველზე (2). დისპლეიზე (1) გამოისახება გაზომვის არჩეული ფუნქცია.
- თუ მბრუნავ გადამრთველზე პოზიციას აქვს მხოლოდ ერთი ფუნქცია, ღილაკზე Sel დაჭერისას ისმის ხმოვანი სიგნალი.
ღილაკი Range
- საზომი დიაპაზონის შეცვლისას გამორთეთ საზომი სადენები (7) და (8) შემოწმევადი ჯაჭვიდან. წინააღმდეგ შემთხვევაში არსებობს ელექტრული დენით დაზიანების და/ან ციფრული მულტიმეტრის დაზიანების საფრთხე.
- დიაპაზონის მანუალურ არჩევანზე გადასართველად, მოკლედ დააჭირეთ ღილაკს Range დიაპაზონის ავტომატური არჩევისას. დისპლეიზე (1) გამოჩნდება Manual.
- მოკლედ დააჭირეთ ღილაკს Range საზომი დიაპაზონის მანუალური არჩევის რეჟიმში, რათა გადაერთოთ სხვადასხვა საზომ დიაპაზონებს შორის.
- დიაპაზონის მანუალური არჩევისას, ავტომატურ არჩევაზე გადასართველად, დააჭირეთ და გეჭიროთ ღილაკი Range. დისპლეიზე (1) ისევ გამოჩნდება Auto.
ღილაკი Min Max
- მოკლედ დააჭირეთ ღილაკს Min Max, რათა გამოიყვანოთ დისპლეიზე გაზომვის მინიმალური მნიშვნელობა, მაქსიმალური მნიშვნელობა ან საშუალო მნიშვნელობა. დისპლეიზე გამოისახება Min, Max ან Avg.
ღილაკი Hold
მნიშვნელობის „გაყივნა“ დისპლეიზე
- მოკლედ დააჭირეთ ღილაკს Hold, რათა „გაყინოთ“ გაზომვის მნიშვნელობა დისპლეიზე (1). დისპლეიზე გამოისახება Hold და ისმის ხმოვანი სიგნალი.
- ისევ მოკლედ დააჭირეთ ღილაკს Hold, რათა გაწმინდოთ დისპლეი (1).
ხმის ჩართვა/გამორთვა
- დააჭირეთ და გეჭიროთ ღილაკი Hold, რათა გამორთოთ ციფრული მულტიმეტრის ხმა. დისპლეიზე გამოისახება სიმბოლო
. - ისევ დააჭირეთ და გეჭიროთ ღილაკი Hold, რათა ისევ ჩართოთ ციფრული მულტიმეტრის ხმა.
- არ გამოიყენოთ ღილაკი Hold ძაბვის განსაზღვრის დროს. გამოსახული ძაბვა არ შეიცვლება, და არსებობს ელექტრული დენით დაზიანების საფრთხე.
- ყოველთვის ჩართეთ ჯერ შავი საზომი სადენი (7) ბუდეში COM და შემდეგ წითელი საზომი სადენი (8) ბუდეში V ან ბუდეში 10 A. საზომი სადენების გამორთვისას იმოქმედეთ უკუ თანმიმდევრობით.
- ელექტრული დენით დაზიანებისგან, ტრავმირებისგან და ციფრული მულტიმეტრის დაზიანებისგან თავის არიდების მიზნით წინაღობის, უწყვეტობის და ტევადობის გაზომვის წინ შეამოწმეთ, რომ ქსელის კვება გამორთულია და ყველა მაღალვოლტური კონდენსატორი განმუხტულია.
- მოაბრუნეთ მბრუნავი გადამრთველი (2) პოზიციაზე, რომელიც სურათზეა გამოსახული.
- ჩასვით საზომი სადენი (8) ბუდეში V.
- შეეხეთ საცდელი საცეცით ბუდეს 10 A.
- გაზომილი მნიშვნელობა გამოისახება დისპლეიზე (1).
თუ გამოისახება 0,5 ომ-ზე ნაკლები მნიშვნელობა, მცველი გამართულია.
თუ გამოისახება 0L ნიშნავს, რომ მცველი (14) გაუმართავია და ის უნდა გამოცვალოთ იხ. მცველის გამოცვლა.