Безбедносни напомени

Прочитајте ги сите безбедносни напомени и упатства. Грешките настанати како резултат од непридржување до безбедносните напомени и упатства може да предизвикаат електричен удар, пожар и/или тешки повреди.

Чувајте ги безбедносните напомени и упатства за користење и за во иднина.

• Оваа дувалка за топол воздух не е предвидена за употреба од деца и лица со ограничени физички, сензорни или ментални способности или со недоволно искуство и знаење. Оваа дувалка за топол воздух може да ја користат деца над 8 години како и лица со ограничени физички, сензорни и ментални способности или со недоволно искуство и знаење, доколку се под надзор од лица одговорни за нивната безбедност или се подучени за безбедно ракување со дувалката за топол воздух и ги разбираат опасностите кои може да произлезат од тоа. Инаку постои опасност од погрешна употреба и повреди.

• За време на користењето, чистењето и одржувањето надгледувајте ги децата. Така ќе се осигурате дека децата нема да си играат со дувалката за топол воздух.

• Внимателно ракувајте со дувалката за топол воздух. Дувалката за топол воздух создава јака топлина, која може да доведе до зголемена опасност од пожар или експлозија.

• Бидете особено внимателно, доколку работите во близина на запаливи материјали. Врелата воздушна струја одн. врелата млазница може да ја запалат правта или гасовите.

• Не работете со дувалката за топол воздух во потенцијално експлозивна средина.

• Не ја насочувајте врелата воздушна струја подолго време на едно исто место. Може да се создадат лесно запаливи гасови на пр. при обработка на вештачки материјали, бои, лакови или слични материјали.

• Внимавајте на тоа дека топлината може да се спроведе до покриени запаливи материјали и да ги запали.

• По употребата, безбедно оставете ја дувалката за топол воздух и оставете ја целосно да се излади на полиците пред да ја спакувате. Жешката млазница може да предизвика штети.

• Доколку е вклучена дувалката за топол воздух, не ја оставајте без надзор.

• Дувалката за топол воздух што не ја користите чувајте го подалеку од дофат на деца. Дувалката за топол воздух не смее да ја користат лица кои не се запознаени со неа или не ги имаат прочитано овие упатства. Дувалките за топол воздух се опасни, доколку ги користат неискусни лица.

• Дувалката за топол воздух држете ја подалеку од дожд и влага. Навлегувањето на вода во дувалката за топол воздух го зголемува ризикот од електричен удар.

• Не го користите кабелот за други намени, како на пример, за носење на дувалката за топол воздух, за закачување или за влечење на приклучокот од приклучницата. Држете го кабелот подалеку од топлина или масло. Оштетениот или свиткан кабел го зголемува ризикот за електричен удар.

• Секогаш носете заштитни очила. Заштитните очила го намалуваат ризикот од повреди.

• Извлечете го приклучокот од приклучницата пред да почнете да го подесувате уредот, да менувате делови од опремата или доколку долго време не ја користите дувалката за топол воздух. Овие мерки за предупредување го спречуваат невнимателниот старт на дувалката за топол воздух.

• Пред секое користење, проверете ги дувалката за топол воздух, кабелот и приклучокот. Не ја користете дувалката за топол воздух доколку забележите оштетувања. Не ја отворајте сами дувалката за топол воздух и оставете ја на поправка кај квалификуван стручен персонал кој ќе користи само оригинални резервни делови. Оштетената дувалка за топол воздух, кабелот и приклучокот го зголемуваат ризикот за електричен удар.

Добро проветрете го Вашето работно место. Гасовите и пареата коишто настануваат при работењето често пати се опасни по здравјето.

• Носете заштитни ракавици и не ја допирајте врелата млазница. Постои опасност од изгореници.

• Не ја насочувајте врелата воздушна струја на лица или животни.

• Не ја користете дувалката за топол воздух како фен за сушење коса. Воздушната струја што излегува од неа е значително поврела одошто кај феновите за сушење коса.

• Внимавајте на тоа да не навлезат страни предмети во дувалката за топол воздух.

• Растојанието на млазниците до делот што се обработува зависи од материјалот што се обработува (метал, пластика итн.) и наменетиот вид на обработка. Секогаш прво направете тест на количината на воздух и температурата.

• Доколку користењето на дувалката за топол воздух во влажна средина не може да се избегне, користете заштитен прекинувач за диференцијална струја. Употребата на заштитниот уред со диференцијална струја го намалува ризикот од електричен удар.

• Дувалката за топол воздух не ја користете доколку кабелот е оштетен. Не го допирајте оштетениот кабел и не го влечете струјниот приклучок, доколку кабелот се оштети за време на работењето. Оштетениот кабел го зголемува ризикот за електричен удар.